Polyline art - BTS

I LOVE BTS!

My Speech

Whakarongo ake au ki te tangi te pere o Ngati Maru

Ko Te Poho o Tahakrakau e tu ake nei

I muri ake nei ko Poukokonga te ripo

Kei roto ra ko Matakaka tena

Ko huri atu taku titiro ki nga maunga tapu

Ko Manawaru, ko Hinehakirirangi tena

Ko Puketapu

Ka titiro whakararo ki te awa tapu nei ko Te Arai Te Uru

Ko hoki atu taku titiro ki te kainga ko Tuaraki, Ko Ngati Maru, Ko te Pahou, Ko Taharakau.

                     

Tihei mauriora,

Ko te mihi tuatahi ki a Io Matua Kore ko ia te timatatanga me te whakamutunga, tena koe e Pa.

Ki a Ranginui raua ko Papatuanuku, tena korua

E nga tini mate, ratou kua wheturangatia, haere, haere, haere atu ra.

Ki a tatou, te hunga ora, tena ano nga mihi ki a tatou.

I te taha o toku Mama

No Te Karaka ahau

Ko Maungahaumi te maunga

Ko Waipaoa te awa

Ko Takitimu me Horouta nga waka

Ko Te Whanau a Taupara te hapu

Ko Takipu te marae

Ko Te Aitanga a Mahaki te iwi

Ko Fraser Ruru toku matua keke

Ko Joanne Ruru toku whia keke

Ko Claude Ruru toku tipuna koroua

Ko Moetahi Brown toku tipuna kuia

Ko Claudia Paenga toku Mama

I te taha o toku Papa

No Manutuke ahau

Ko Puketapu te maunga

Ko Te Arai Te Uru te awa

Ko Takitimu te waka

Ko Ngati Maru te hapu

Ko Te Pahou te marae

Ko Rongowhakaata te iwi

Ko Tuakana Paenga toku tipuna koroua

Ko Loma Gemmell-Moeau toku tipuna kuia

Ko Rick toku Papa

Ko Connor toku Tungane

Ko Ava Moetahi Te Rere-Aio-Rangi Paenga toku ingoa.

Ko te kaupapa o toku korero, i tenei ra, he kaupapa e pa ana, ki toku whanau, ki toku Ao.

Ko te tuatahi ko toku Mama - te ngakau o te whanau he wahine Maori ataahua rawa atu o roto o waho. 

He wahine tino mahaki ngakau hei awhina, nga tangata he mauiui ana kei te hohipera. Ko ia ra he wahine ngakau nui.

Ko te tuarua ko toku Papa

Te kaitiaki o taku whanau, he tangata purotu, ahakoa no hea he tangata e pirangi ia ki te awhina nga tangata katoa Koina te mea nui, o tana / ko te awhina.

Ko te mutunga ko taku tungane, Ko Connor tena.

Ahakoa he Parata whakatoi ia he Parata pumau ki taku taha. He Parata hatakehi rawa He tungane tino pai ki ahau.

Ko te mihi whakamutunga, ki a koutou nga kaiwhakawa, ka nui nga mihi ki a korua hei whakamana i a matou nga kaikorero.

Heoi ano ki a koutou e matakitaki mai nei e whakarongo mai nei ki taku korero.

Ka nui nga mihi ki a koutou.

No reira e hoa ma.
Tena koutou tena koutou tena ra koutou katoa.